AAK mbledh sot kryesinë, në rend dite qeveria dhe zhvillime tjera politike

Kryesia e Aleancës për Ardhmërinë e Kosovës do të mblidhet sot në ora 17:00.

Temë e diskutimit raportohet se do të jenë zhvillimet politike në vend, me theks të veçantë përgatitja për zgjedhjet e reja parlamentare në rast se ato do të mbahen.

Kjo mbledh vjen pak ditë para se të kalojë afati i mandatarit Glauk Konjufca, për formimin e ekzekutivit të ri.

Po ashtu, temë do të jetë edhe rezultati në zgjedhjet lokale, ku AAK ka arritur që ta konfirmoj fuqinë politike në pesë komuna: Gjakovë, Suharekë, Rahovec, Deçan dhe Klinë.

Subjekti i drejtuar nga Ramush Haradinaj, do të ketë pushtet edhe në mbi 10 komuna të tjera dhe do të jetë i përfaqësuar në Kuvende Komunale nga 98 asamblistë.