Abdixhiku: Më 12 tetor do të japim përgjigjen më të fortë ndaj shpifjeve, me qytetarët drejt fitores së shpresës

Kryetari i Lidhjes Demokratike të Kosovës, Lumir Abdixhiku, ka dhënë një mesazh të qartë në prag të zgjedhjeve lokale që priten të mbahen më 12 tetor.

Abdixhiku u shpreh se kjo datë do të jetë përgjigjja më e qartë ndaj të gjithë atyre që, sipas tij, kanë shndërruar LDK-në dhe kandidatët e saj në objekt sulmi gjatë fushatës.

“12 tetori do të vijë si përgjigjja më e fortë dhe më e qartë për të gjithë ata mercenarë që kanë vënë LDK-në dhe kandidatët tanë në tabelë qitjeje në këtë fushatë.

Le të shajnë. Le të ofendojnẽ.

Kaq dinë, kaq bëjnë.

Nuk kemi kohë për ta.

Moçalin e madh të pështymave të mbrëmjes, LDK, sikurse dhe populli i Kosovës, ka vendosur ta injorojë. Kemi zgjedhur një rrugë tjetër: të ecim me qytetarë, me njerëzit e ndershëm e të punës dhe përpjekjes; dhe me ta bashkë, të bëjmë fitoren e vjeshtës si nisje të shpresës.

Le të fitojmë!”, shkroi Abdixhiku.