Kryetari i LDK-së, Lumir Abdixhiku, ka takuar sot të Ngarkuarën me Punë në Ambasadën e ShBA-së në Kosovë, Anu Prattipati.
Në takim u diskutua për zhvillimet e fundit politike në vend, për tejkalimin e situatës aktuale, duke theksuar rëndësinë e funksionalitetit të institucioneve vendore.
"Në takim u diskutua edhe për rëndësinë e tejkalimit të situatës aktuale politike dhe krijimit të kushteve për funksionimin e qëndrueshëm dhe demokratik të institucioneve të vendit, në shërbim të qytetarëve".
"Kryetari Abdixhiku shprehu mirënjohjen për mbështetjen e vazhdueshme dhe të pazëvendësueshme të SHBA-ve për Republikën e Kosovës, duke vlerësuar partneritetin strategjik ndërmjet dy vendeve dhe duke theksuar rëndësinë e ruajtjes dhe thellimit të këtij partneritet", shkruhet në njoftimin nga LDK-ja
