Kryetari aktual, i cili garon edhe për një mandat tjetër në zgjedhjet lokale për kryetar të komunës së Ferizajt, Agim Aliu ka ndarë disa pamje nga tubimi i partisë në Ferizaj, shkruan GazetaDemos.
Ai u shpreh se entuziazmi i mijëra qytetarëve e energjia që po shtrihet në çdo lagje të qytetit, është dëshmi se ferizajasit kanë vendosur për Ferizajn e Gjeneratës Tjetër.
“Mesazh ky i dhënë qartë në tubimin me nëndegët e qytetit, prezantimin e programit dhe skuadrës sonë të kandidatëve për Kuvendin e Komunës nga qyteti”, thuhet në postimit e Aliut.
Postimi i plotë:
Entuziazmi i jashtëzakonshëm i mijëra qytetarëve, energjia që po shtrihet në çdo lagje të qytetit e në çdo fshat të Ferizajt, është dëshmia e zëshme se ferizajasit tashmë kanë vendosur për Ferizajn e Gjeneratës Tjetër, për qytetin tonë, krenarinë tonë – mesazh ky i dhënë qartë në tubimin me nëndegët e qytetit, prezantimin e programit dhe skuadrës sonë të kandidatëve për Kuvendin e Komunës nga qyteti.