Agim Aliu takon ekipin e volejbollit ‘Fer Volley’ të Ferizajt: Ekip simbol krenarie për sportin ferizajas

Kryetari aktual, njëherit kandidat edhe për një mandat në krye të Ferizajt nga Partia Demokratike e Kosovës, Agim Aliu priti në takim sot ekipin e volejbollit ‘Fer Volley’, duke i përgëzuar për titullin e fundit “Fitues të Superkupës së Kosovës 2025”, shkruan GazetaDemos.

Aliu numroi disa nga sukseset e këtij ekipi, duke shtuar se janë simbol krenarie për sportin ferizajas dhe volejbollin vendor.

“Prita sot ekipin suksesplotë të volejbollit ‘Fer Volley’ për t’i përgëzuar për titullin e fundit “Fitues të Superkupës së Kosovës 2025”, trofeu i tretë ky për klubin, pas shpalljes “Kampion i Kosovës” dhe “Fitues i Kupës së Federatës”, suksese të njëpasnjëshme që e bëjnë këtë ekip simbol krenarie për sportin ferizajas dhe volejbollin vendor”. u shpreh ai.

Postimi i plotë:

Prita sot ekipin suksesplotë të volejbollit ‘Fer Volley’ për t’i përgëzuar për titullin e fundit “Fitues të Superkupës së Kosovës 2025”, trofeu i tretë ky për klubin, pas shpalljes “Kampion i Kosovës” dhe “Fitues i Kupës së Federatës”, suksese të njëpasnjëshme që e bëjnë këtë ekip simbol krenarie për sportin ferizajas dhe volejbollin vendor.