Një aksident trafiku ka ndodhur sot rreth orës 12:10 në fshatin Hereq, në aksin rrugor Gjakovë–Deçan, ku janë përfshirë dy automjete.
Zëdhënësi i Policisë për Rajonin e Gjakovës, Sheremet Elezaj, ka bërë të ditur se, bazuar në informacionet e deritanishme, një person ka pësuar lëndime dhe është dërguar për trajtim mjekësor.
“Rreth orës 12:10 është raportuar një aksident trafiku në fshatin Hereq, në rrugën Gjakovë–Deçan, ku janë përfshirë dy automjete. Deri më tani, përveç dëmeve materiale, një person ka kërkuar ndihmë mjekësore dhe është dërguar për trajtim,” deklaroi Elezaj.