Një aksident i rëndë ka ndodhur në rrugën Mitrovicë – Prishtinë, ku si pasojë e tij, dy persona kanë mbetur të vdekur, ku sipas njoftimit të Policisë viktimat janë të moshës 22 dhe 24 vjeç.
Lidhur me këtë ka reaguar kryetari i Mitrovicës, Faton Peci, i cili e ka cilësuar këtë rast tragjik si ‘’ditë e rëndë’’ për Mitrovicën.
Postimi:
Ditë e rëndë për Mitrovicën!
Jam thellësisht i prekur me rastin tragjik të aksidentit të sotëm që i mori jetën dy të rinjve të Komunës së Mitrovicës në moshë shumë të re.
Ngushëllime familjeve Xhemajli dhe Zejnullahu për humbjen e më të dashurve të tyre, Qëndrimit dhe Rinorit. Kjo humbje nuk është humbje vetëm për familjet e të afërmit, por për gjithë qytetin.
Shpirti i tyre u prehtë në paqe, e kujtimi për ta qoftë i përjetshëm!
