Ali Ahmeti, ish-udhëheqës i Ushtrisë Çlirimtare të Kosovës në Maqedoni, po merr pjesë në ceremoninë e përurimit të shtatores së heroit të kombit, Afrim Zhitisë, në Llugë të Podujevës.
Në fjalën e tij, Ahmeti tha fjalë të mëdha për Zhitinë, transmeton Klankosova.tv.
“Sot po ngrihet shtatorja e kryeredaktorit të parë të gazetës ‘Minatori’, shtatorja e Afrim Zhitisë, të lajmëtarit të lirisë. Ky ishte kryeredaktori që e kërkonin në qiell e ai vepronte në tokën e Kosovës”, tha Ahmeti.
“Po ngrihet shtatorja e organizatorit dhe ideatorit të parë që rezistencën nga ajo në rrugë ta shndërrojmë në rezistencë reciprociteti me forcë t’i përgjigjemi pushtuesit. Janë ngritur celulat e para nga Afrimi bashkë me shokë. Janë bërë aksionet e para dhe nismat drejt formësimit dhe paralajmërimit që Kosova jo larg do të ketë ushtrinë”, u shpreh tutje ai.
“Pavarësisht tendencave të Beogradit që kjo ushtri ka qenë një nderje kriminale, pavarësisht tendencave të lindjes për t’ju kundërvënë demokracisë së vërtete që ndihmonte popujt nën pushtim, Evropë e Shteteve të Bashkuara, se gjoja po ndihmojnë ushtri kriminale. Prandaj do të dështojnë gjithë ata në veçanti Kremlini e Moska se ushtria jonë ka qenë terroriste. Ashtu siç kemi fituar deri më tani edhe këtë proces tepër të skandalizuar Kosova dhe ne do të jemi triumfues”, theksoi Ahmeti.
Detajet lidhur me ceremoninë, po i ndjek nga afër gazetarja e Klan Kosovës, Amantina Hasani.
