Ali Berisha dorëhiqet nga gara, asambleisti më i votuar në Pejë Naim Bytyqi ia mësynë të parit të AAK-së

Ali Berisha nga AAK në Pejë, ka deklaruar se nuk do të jetë pjesë e asnjë gare politike në asnjë nivel.

Burime të afërta me zhvillimet brenda degës së AAK-së në Pejë bëjnë të ditur për Demosin se gara për të parin e Aleancës në këtë komunë pritet të zhvillohet së shpejti, ndërsa kandidaturën për këtë pozitë do ta zyrtarizojë asamblisti më i votuar i kësaj partie Naim Bytyqi.

Bytyqi e ka konfirmuar për Demosin se do të hyjë në garë për drejtimin e degës së AAK-së në Pejë.

Tërheqja e Berishës nga çdo garë politike hap një kapitull të ri për degën e AAK-së në Pejë, ndërsa mbetet të shihet se si do të rrjedhin zhvillimet e brendshme në këtë subjekt politik në ditët në vijim.