Autoritetet e Arabisë Saudite kanë lehtësuar procedurat për pajisjen me viza turistike për shtetasit e Kosovës, duke e kaluar vendin nga Grupi B në Grupin A të shteteve që përfitojnë nga procedurat e thjeshtuara të vizave.
Lajmi është bërë i ditur nga Ministria e Punëve të Jashtme dhe Diasporës e Kosovës, sipas së cilës ky vendim u mundëson qytetarëve të Kosovës të aplikojnë për vizë elektronike ose të pajisen me vizë në mbërritje në Arabinë Saudite.