Kandidati për deputet nga Aleanca, Arbër Tolaj, ka kërkuar mbështetje më të madhe institucionale për veteranët dhe invalidët e luftës së UÇK-së, duke theksuar se liria që gëzon sot Kosova është rezultat i sakrificës së tyre.
Tolaj tha se është e papranueshme që veteranët dhe invalidët e luftës të ndihen të lënë pas dore, ndërsa kërkoi ndryshime urgjente në legjislacion për të garantuar trajtim më të dinjitetshëm për ta.
Postimi:
Liria që gëzojmë sot mban vulën e sakrificës më të lartë të djemve dhe vajzave të Ushtrisë Çlirimtare të Kosovës (UÇK).
Është e pafalshme që sot, veteranët dhe invalidët tanë të luftës lihen në harresë. Mbështetja maksimale që shteti u ka borxh atyre që dhanë gjithçka për liri, aktualisht mungon.
Ka nevojë urgjente për ndryshim të legjislacionit! Duhet të reformojmë ligjet për t’u garantuar atyre pensione dinjitoze, shërbime shëndetësore cilësore dhe falas, si dhe përkrahje absolute për familjet e tyre.