Arrestohet një person në Vushtrri, bashkëjetonte me një vajzë të mitur

Një person është arrestuar në Vushtrri, pasi dyshohet se ka kryer veprën penale “Bashkësia jashtëmartesore me personin nën moshën gjashtëmbëdhjetë vjeçare”.

Sipas raportit të policor, rasti është regjistruar dje rreth orës 15:00.

Policia bën të ditur se viktima, pas intervistimit, është kthyer te familja.

Ndërkohë, i dyshuari, pas konsultimit me prokurorin, është liruar dhe rasti do të procedohet në procedurë të rregullt.

Hetimet për rastin po vazhdojnë nga organet kompetente.