AUV ndalon importin e gjedheve nga një zonë në Francë, shkak përhapja e sëmundjes së lëkurës

Përmes një njoftimi nga AUV thuhet se ky vendim vjen pas shpërthimit të sëmundjes gungore të lëkurës, ndërsa obligohen që të gjitha autoritetet për kontroll kufitar të ndërmarrin veprime për zbatim të ndalesës, me qëllim të ruajtjes së shëndetit të kafshëve në Kosovë.

“Agjencia e Ushqimit dhe Veterinarisë është ne monitorim të vazhdueshëm të situatës mbi lajmërimet e sëmundjeve të kafshëve. Ne kohë realë është duke ndërmarrë masa me qellim parandalimi të përhapjes ne vendin tonë”, thuhet në njoftim.

Ndër të tjera nga AUV thuhet se Kosova po vepron në linjë me shtetet e tjera, që ka për qëllim parandalimit e sëmundjes të lëkurës.

“Vendimet dhe masat e vendosura janë ne përputhje me obligimet qe dalin nga aktet ligjore ne fuqi dhe praktikat ndërkombëtare të kufizimeve tregtare. Mbi çdo ndryshim të rrjedhës se përhapjes se sëmundjes, veprimet do të jenë në përputhje me protokollet e masave veterinare per parandalim të përhapjes se sëmundjes”, thuhet në njoftimin e AUV-it në rrjetin social Facebook.