Ushtruesja e detyrës së shefes së Zyrës së BE-së në Prishtinë, Eva Palatova, ka njoftuar se sot bashkë me përfaqësues të shteteve të QUINT kanë qëndruar në Mitrovicë të Veriut, përkatësisht në Zyrën për Regjistrimin Civil të Komunës.
Palatova ka thënë se kanë inkurajuar banorët e kësaj komune që të shfrytëzojnë marrëveshjen e 14 marsit rreth Ligjit për të Huajt dhe ka thënë se BE-ja do të vazhdojë të angazhohet me Qeverinë e Kosovës dhe komunitetin serb në Kosovë për zbatimin e saj.