Begaj kalon transit në Kosovë, Policia njofton për bllokime të shkurtra në disa akse rrugore

Policia e Kosovës ka njoftuar se presidenti i Republikës së Shqipërisë, Bajram Begaj sot do të kalojë transit nëpër Kosovë, do të bëjë ndërprerje të përkohshme të qarkullimit kufitar të trafikut në intervale të shkurtra kohore.

Policia gjithashtu njofton se këto ndërprerje të përkohshme të qarkullimit të trafikut do të bëhen në segmentet rrugore nga Pika e Kalimit Kufitar Vërmicë deri në Pikën e Kalimit Kufitar Dheu i Bardhë dhe anasjelltas.

Gjithashtu bëhet e ditur se ndërprerjet do të ndodhin edhe gjatë kthimit po ashtu me të njëjtën datë, ku edhe mund të ketë riorientim të trafikut në rrugë alternative.

“Policia e Kosovës falënderon paraprakisht të gjithë qytetarët dhe pjesëmarrësit e trafikut rrugor për mirëkuptim të plotë”, thuhet ndër tjera.