Berisha: Thaçi, Veseli, Selimi, Krasniqi dhe e gjithë UÇK-ja përfaqësojnë identitetin e rrëfimit të madh për lirinë dhe shtetin tonë

Gazetari Ridvan Berisha ka shpërndarë videon e platformës “Liria ka emër”, duke shprehur mbështetjen e tij ndaj kësaj proteste që kërkon drejtësi për ish-krerët e UÇK-së në Hagë, shkruan GazetaDemos.

“Hashim Thaçi, Kadri Veseli, Rexhep Selimi, Jakup Krasniqi, Sali Mustafa, Pjetër Shala dhe e gjithë UÇK-ja përfaqësojnë identitetin e rrëfimit të madh për lirinë dhe shtetin tonë”, u shpreh Berisha.

Tutje shtoi se shtetet si Rusia dhe Serbia e humbën luftën përballë UÇK-së dhe NATO-s.

“Por nuk u ndalën kurrë me platforma e narrativa shoviniste në përpjekje për ta kriminalizuar UÇK-në dhe prijësit e saj”, shkroi ai.

Postimi i tij:

Po ngrihemi për një kauzë më shumë se sublime. Kosova nuk kërkon asgjë më tepër, përveç drejtësisë së bazuar në fakte.

Hashim Thaçi, Kadri Veseli, Rexhep Selimi, Jakup Krasniqi, Sali Mustafa, Pjetër Shala dhe e gjithë UÇK-ja përfaqësojnë identitetin e rrëfimit të madh për lirinë dhe shtetin tonë.

Rusia dhe Serbia e humbën luftën përballë UÇK-së dhe NATO-s, por nuk u ndalën kurrë me platforma e narrativa shoviniste në përpjekje për ta kriminalizuar UÇK-në dhe prijësit e saj.

Nuk do t’ia dalin ta kriminalizojnë rrëfimin për shtetin e Kosovës. Kurrë!