“Bire qëtu telefoninnnnn…”, publikohen pamje nga përleshja në Skenderaj, ky dyshohet se u përfshi Sami Lushtaku

GazetaDemos pak më parë raportoi për një përleshje në Skenderaj, ku sipas informacioneve të burimeve, i përfshirë në të është kryetari i komunës së Skenderajt, Sami Lushtaku. I njëjti sipas këtyre burimeve dyshohet se e ka sulmuar kryetarin e VV-së në Skenderaj, Hysni Mehani.

Ky i fundit para pak çastesh doli me detaje duke konfirmuar konfrontimin fizik, me çrast bëri të ditur se i është marr edhe telefoni.

Madje, sipas tij të përfshirë në përleshje ishin edhe njerëzit e Lushtakut, të cilët Mehani i quajti “banda” e tij.

Mehani i ka bërë thirrje Policisë që ta ‘’mbrojë familjen’’ e tij, teksa i ftoi familjarët për përmbajtje.

Teksa tashmë janë publikuar edhe pamje në të cilat dëgjohen disa shkëmbime fjalësh, ku dikush dikujt i kërkon telefoni, me çrast ky i fundit refuzon ta dorëzoj.