Buja premton mbështetje për klubin “Arbëria” nga Dobraja e Madhe

Kandidati i Partisë Demokratike të Kosovës për kryetar të komunës së Lipjanit, Shukri Buja zhvilloi një takim të frytshëm me udhëheqësit e klubit të futbollit “Arbëria” nga Dobraja e Madhe.

Ai premtoi se në mandatin e ardhshëm do të angazhohet fuqishëm për të mbështetur jo vetëm klubin “Arbëria”, por të gjitha klubet sportive në komunë, duke synuar një zhvillim të qëndrueshëm të sportit lokal.

I plotë:

Sot zhvilluam një takim të frytshëm me udhëheqjen e klubit të futbollit “Arbëria” nga Dobraja e Madhe. Klubi “Arbëria” zhvillon aktivitetet në kushte të rënda, që e bëjnë edhe më të vështirë rrugëtimin e tij sportiv.

Diskutuam për mundësitë dhe hapat konkretë për të përmirësuar kushtet dhe infrastrukturën sportive, për të siguruar mbështetje të qëndrueshme, si dhe për sponsorizim për klubin.

Në mandatin tim të ardhshëm, do të angazhohem me përkushtim për ta mbështetur zhvillimin e këtij klubi dhe të gjitha klubeve sportive, duke i dhënë sportit vendin që meriton në komunën tonë.

Jam mirënjohës për besimin dhe përkrahjen e fuqishme që udhëheqja e klubit “Arbëria” i ka dhënë kandidaturës sime për kryetar të komunës. Së bashku, do të fitojmë për sportin dhe të rinjtë tanë!