Buzhala: PDK duhet ta kandidojë Fatmir Limajn me dy deputetet e Nismës, ia numëron përfitimet

Analisti Berat Buzhala, thotë se PDK duhet ta kandidojë Fatmir Limajn së bashku me dy deputetët e Nismës në listën e saj për zgjedhjet e 28 dhjetorit.

Sipas Buzhalës, gjëja më e mirë që do të mund ta bënte do të ishte kandidimi i Limajt.

“Seni ma i mire per PDK’ne ish kane me e shti Fatmirin, bashke me dy deputetet e fundit te Nismes, ne listen e vet per deputet per zgjedhjet e 28 dhjetorit.”

Ai shtoi përfitimet e mundshme për PDK-në.

“E di, Fatmiri teknikisht ka mundesi qe ndoshta nuk i bjen vota PDK’se qe i arsyetojne 3 deputete (3 perqind), ama megjithate e maksimalizon voten e PDK’se ne Drenas, Malisheve, Lipjan e Kline.”

Buzhala theksoi përfitimet strategjike të kësaj lëvizjeje.

“Si teresi e betonon vendin e dyte, nuk len me rrjedhe vota prej te cilave perfiton me se shumti subjekti i pare, edhe e krijon nifar fryme te bashkimit dhe unitetit.”

Ai paralajmëroi se detajet teknike nuk duhet të jenë prioriteti kryesor.

“Keto nuk do te duhej me kane momente kur palet e kqyrin me detaje kujt po i bjen ma mire, e kujt ma keq.”

“Bashke me Fatmir Limajn ne koalicion, bashke me Listen per Familje, me ribashkimin ne Drenas e Kacanik, PDK mundet me shku deri afer 30 perqind, qe potencialisht i kish ra me i marre 30 e ma shume deputet.”