Analisti Ilir Deda, thotë se Albin Kurti po shantazhon e sulmon LDK-në, ndërsa PDK-në e partitë e tjera i trajton si armiq, vlerëson ai.
Andaj sipas tij, Kurti veç polarizimin e ka zgjidhje.
Reagimi i plotë:
Reflketimi i domosdoshëm, por si po duket i pamundshëm, do të kishte rezultuar me këto mesazhe sot:
– Kërkim falje votuesve të koalicionit më të madh për gabimin në llogaritje që e kanë shumicën parlamentare;
– Pranimin e përgjegjësisë për pamundësinë e ndërtimit të koalicionit qeverisës, dhe mësime të nxjerra nga strategjia zgjedhore “gjithçka apo asgjë”;
– Zotim për fund të gjuhës polarizuese dhe përkushtim për një fillim të ri;
– Zotim se do t’ua shtrijë dorën për bashkëpunimin të gjitha partive pas zgjedhjeve në dhjetor, sidomos për sigurimin e shumicës së domosdoshme për votimin e një presidenti unifikues;
– Ftesë të gjitha partive politike që të dakordohen për miratimin e buxhetit për vitin 2026, duke i miratuar edhe kërkesat e tyre, dhe për ratifikimin e marrëveshjeve ndërkombëtare, që vendi mos të zhytet më thellë në krizë.
Por jo, vazhdon me sulme e shantazh ndaj LDK-së, dhe vazhdon t’i trajtojë partitë e tjera – si PDK – për armiq!
A e din që këto parti janë të popullit të njëjtë me të tijën?
Dhe, në vend të reflektimit që do t’ia shihte hajrin e gjithë Kosova, tregon që veç polarizimin e ka zgjidhje, përsëri me strategjinë e dështuar “gjithçka apo asgjë”.
