Dëgjohen thirrjet e organizatorëve, asnjë figurë politike në protestë

Në Prishtinë është duke u mbajtur një protestë kundër vrasjes së grave.

Kjo protestë vjen pas rastit tragjik të Arlinda Zekajt, që u vra nga kunati i saj.

E ndjera nuk kishte lënë derë të institucioneve të drejtësisë dhe sigurisë që nuk e kishte trokitur, duke ju treguar se jeta e saj ishte në rrezik nga burri dhe familjarët e tij.

Në protestën e organizuar sot, asnjë figurë politike nuk është duke marrë pjesë.

Përkundër që kishte paralajmërime që disa deputete e fytyra politike do të merrnin pjesë, kjo nuk ka ndodhur.

Mospjesëmarrja e deputetëve dhe figurave politike vjen pas kërkesës së organizatorëve që nuk do ta mirëprisnin asnjërin nga ta në protestë.