Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

Deliu-Kodra: S’mundet dikush që i ka resurset e shtetit t’ia vendosë kujtdo dhe pastaj të mos jetë e barabartë me partitë e tjera

GD
Gazeta Demos18 nëntor 2026 në 11:50
Deliu-Kodra: S’mundet dikush që i ka resurset e shtetit t’ia vendosë kujtdo dhe pastaj të mos jetë e barabartë me partitë e tjera

Deputetja e Partisë Demokratike të Kosovës (PDK), Blerta Deliu-Kodra, ka deklaruar se mungon vullneti politik mbipartiak për të ndaluar përdorimin e parasë publike për qëllime elektorale.

Në tryezën e diskutimit për Nismën Legjislative Qytetare lidhur me përgjegjësinë penale të përdorimit të parasë publike për qëllime elektorale, të organizuar nga Instituti i Kosovës për Drejtësi (IKD), Deliu-Kodra ka theksuar se është e papranueshme që të ndahen mjete dy ditë para zgjedhjeve, raporton “Betimi për Drejtësi“.

Ajo ka vlerësuar se vendimet që i ka marrë Qeveria kanë qenë të padrejta, ndërsa mënyra se si Qeveria ka vendosur të ndajë paratë në situatën e balotazhit të zgjedhjeve, përbën një interferim të pashoq.

“Nuk mundet dikush që i ka resurset e shtetit t’ia vendosë kujtdo dhe pastaj me partitë e tjera të shtetit të mos jetë e barabartë”, ka deklaruar Deliu-Kodra.

Deputetja ka sjellë shembuj konkret të ndarjeve të mjeteve publike në prag të proceseve zgjedhore, duke theksuar se raste të tilla cenojnë barazinë e subjekteve politike dhe kërkojnë përgjegjësi penale.

Ndryshe, Instituti i Kosovës për Drejtësi (IKD), të mërkurën me mbështetje të Ambasadës së Republikës Federale të Gjermanisë në Prishtinë, organizoi tryezën e diskutimit “Përgjegjësia penale e përdorimit të parasë publike për qëllime elektorale”, në kuadër të së cilës u publikua edhe analiza e IKD-së me të njëjtin titull.

Në këtë aktivitet, diskutohen gjetjet e analizës, si dhe Nisma Legjislative Qytetare për plotësimin dhe ndryshimin e Kodit Penal, e mbështetur nga mbi 12 mijë qytetarë, në pjesën që synon përcaktimin e përgjegjësisë penale për përdorimin e parasë dhe burimeve publike për përfitim elektoral.

deliu-kodrashtetitmundet

Më shumë nga Lajme

  • 15:07Ky është personi i dyshuar për vrasjen në Suharekë
  • 14:58Çitaku pas takimit me Shiroka-Pulën: Është koha që unitetin për mbrojtjen e çlirimtarëve ta dëshmojmë me veprime konkrete
  • 14:52Lushtaku: Nesër pritet të vazhdohet seanca, besoj që do të votojmë Ligjin për Dhomat e Specializuara
  • 14:42Haziri pranë shtëpisë së Krasniqit: Kemi ardhur ta takojmë, do ta presim bacën Jakup
  • 14:38Disa plagë nga arma e zjarrit, Spitali jep detaje për 59-vjeçarin nga Suhareka