Një shtëpi dykatëshe në rrugën “Nexhmi Llumnica” në Kodrën e Trimave të Prishtinës, u përfshi nga zjarri, i cili u raportua rreth orës 21:05.
Zëvendëskomandanti i Brigadës së Zjarrfikësve, Abdusamed Shkodra tha për Klankosova.tv se zjarri është lokalizuar, por zjarrfikësit po vazhdojnë të kujdestarojnë.
Kati i sipërm i shtëpisë, me dy dhoma dhe çatia u përfshinë nga zjarri.
“Aty bëhet fjalë për një shtëpi dykatëshe në rrugën ‘Nexhmi Llumnica’. Për zjarrin është lajmëruar në ora 21:05. Zjarri është lokalizuar por zjarrfikësit janë ende duke kudjestaruar, në katin e sipërm janë përfshirë dy dhoma dhe çatia”, tha Shkodra
