Dorëheqja e Krasniqit, reagon Sami Lushtaku

Kryetari i Seknderajt, Sami Lushtaku ka reaguar pas dorëheqjes së Memli Krasniqit nga posti i kryetarit të PDK-së.

Lushtaku e falënderoi Krasniqin për punën, angazhimin dhe lidershipin e treguar, shkruan DEMOS.

“Në emër tim dhe të strukturave të Partisë Demokratike të Kosovës në Skënderaj, shpreh falënderimin dhe respektin më të lartë për punën, angazhimin dhe lidershipin e treguar nga kryetari i deritanishëm i PDK-së, Memli Krasniqi.

PDK është parti shtetformuese dhe shtetndërtuese, e cila ka vizion të qartë për zhvillimin e vendit prandaj ky vendim i dorëheqjes le të shënojë një momentum të ri i cili e fuqizon, e rritë dhe e unifikon edhe më tepër PDK-në.

Suksese në vazhdimësi, kryetar!

SL”, shkroi Lushtaku