Drejtori i policisë në Gjakovë thirrje qeverisë: Qohuni, zhbëjeni këtë gjykatë, zhbëjeni tani!

Drejtori Rajonal i Policisë në Gjakovë, Lumni Graishta, i ka bërë thirrje Qeverisë për zhbërjen e Gjykatës Speciale, shkruan Gazeta Demos.

Përmes një shkrimi në Facebook, Graishta ka thënë tutje se Qeveria duhet të jetë e bindur se populli i Kosovës nuk i pranon vendimet që merren padrejtësisht në emër të tyre.

''Qohuni, zhbëjeni këtë gjykatë, zhbëjeni tani!

Nuk është e juaja, nuk është e jona, nuk është e këtij populli'', shkruan ai.

Reagimi i plotë:

Juve që përfaqësoni këtë popull!

Çka duhet tjetër të bindeni se populli juaj nuk i pranon vendimet që padrejtësisht merren në emër të tij?

Qohuni, zhbëjeni këtë gjykatë, zhbëjeni tani!

Nuk është e juaja, nuk është e jona, nuk është e këtij populli.