Dy persona humbën jetën dhe qindra të tjerë u evakuuan pasi dy zjarre shpërthyen “pothuajse njëkohësisht” në një ishull grek pranë Athinës, njoftuan autoritetet.
Rreth 200 zjarrfikës po punonin për të penguar bashkimin e dy vatrave të zjarrit në ishullin e Salaminës, i cili të dielën paraqiste rrezik të lartë për zjarre pyjore, shkruan BBC
Zjarri i parë u raportua në orën 14:40 me orën lokale (11:40 GMT) pranë bregut jugor të ishullit dhe u përhap me shpejtësi për shkak të erërave të forta, ndërsa i dyti shpërtheu rreth 20 minuta më vonë në pjesën lindore.
Më shumë se 500 persona janë evakuuar deri më tani përmes detit, raportojnë mediat greke. Shkaku i zjarreve ende nuk dihet.
