Dyshohet se ra për vdekje në greminë, ShKShMK nis punën për nxjerrjen e trupit në Grykë të Rugovës

Shoqata e Kosovës për Kërkim-Shpëtim Malor (ShKShMK) është angazhuar në nxjerrjen e trupit të pajetë të një personi në Grykën e Rugovës, në kilometrin e 7-të.

Në operacion po marrin pjesë edhe Zjarrëfiksat e Pejës dhe Policia e Kosovës, raporton Klankosova.tv.

Sipas ShKShMK-së, dyshohet se viktima ka rënë në një greminë, në afërsi të rrugës.

Lajmin e ka konfirmuar zëdhënësi i Policisë për rajonin e Pejës, Fadil Gashi, i cili bëri të ditur se trupi ishte poshtë lumit të njohur si Lumbardhi.

Bëhet e ditur se polica e ka marrë informatën në orën 14:10 dhe menjëherë ka dal në vendin e ngjarjes.

Ndërkaq, mjeku e ka konstatuar vdekjen e tij.

“Rreth orës 14 e 10, Policia është njoftuar se në km 5, rrugën Pejë – Rugovë, “te kthesa e madhe”, poshtë në lum ku është Lumbardhi, dyshohet se një person është pa shenja jeta. Mjeku e ka konstatu vdekjen e tij. Policia menjëherë ka dal në vend të ngjarjes, zjarrëfikësit dhe epika mjekësore”, tha Gashi.