“E gjuajta me shpulla”, zbardhet dëshmia e edukatores që dhunoi fëmijën 2 vjeç

Brunlida Haxhiu është edukatorja 32-vjeçare, e cila dhunoi në kopshtin privat “Lala” në Tiranë një fëmijë 2 vjeçar.

Denoncimi në polici është bërë nga babi i fëmijës pasi ka parë shenjat e dhunës në fytyrën e vogëlushit.

Fillimisht ai e ka dërguar fëmijën në spital dhe i janë bërë ekzaminimet. I mituri kishte një të nxirë tek faqja dhe shenja skuqje tek veshët.

Ndërkohë, gjatë marrjes në pyetje 32-vjeçarja Brunilda Haxhiu ka deklaruar se fëmijën e ka gjuajtur me shpullë pasi nuk po e zinte gjumi dhe nuk po e duronte dot. Sipas burimeve, edhe nga pamjet filmike ka rezultuar që edukatorja 32-vjeçare ka ushtruar dhunë fizike ndaj fëmijës 2 vjeçar. /Panorama