E rëndë: 44-vjeçari nga Presheva humb jetën në vendin e punës në Gjermani

Një 44-vjeçar nga fshati Norçë i komunës së Preshevës ka humbur jetën tragjikisht në Gjermani, si pasojë e një aksidenti në vendin e punës.

Lajmin për ndarjen nga jeta të Ramush Tahirit e kanë bërë të ditur fshati Norçë, të cilët kanë shprehur pikëllimin për humbjen e tij.

Postimi i plotë:

“Vërtet, ne jemi të Allahut dhe tek Ai do kthehemi”

Me pikëllim të thellë ju njoftojmë se vëllai ynë, Ramush Tahiri, në moshën 44-vjeçare, ka ndërruar jetë tragjikisht në Gjermani, si pasojë e një aksidenti në vendin e punës..

Lajmi për humbjen e tij na ka tronditur pa masë. Ai do të kujtohet gjithmonë si një njeri i ndershëm, punëtor, zemërmirë dhe i respektuar nga të gjithë ata që patën fatin ta njohin.

Në këto çaste të rënda, shprehim ngushëllimet më të sinqerta për familjen, të afërmit, miqtë dhe të gjithë ata që ndajnë dhimbjen me ne.

Lusim Zotin ta mëshirojë të ndjerin, ta shpërblejë me Xhenetin Firdeus.

Qoftë i përjetshëm kujtimi për Ramush Tahirin Per vorrimin ju lajmrojm me kohe.