Ervin Shabani i PDK-së: Ju garantoj se unë nuk ndalem me kaq

Kandidati i PDK-së për kryetar të komunës së Gjakovës, Ervin Shabani ka njoftuar se ka zhilluar një takim me Këshillin Drejtues të Degës ku u analizuan rezultatet e zgjedhjeve lokale dhe punën e bërë gjatë fushatës, shkruan GazetaDemos.

Ai u shpreh se proces na ka mësuar shumë, për fuqinë e ekipit, për rëndësinë e vizionit të qartë dhe për nevojën e një angazhimi të vazhdueshëm

“Rezultati që arritëm është dëshmi e përpjekjeve të sinqerta, e bashkëpunimit dhe e besimit që po ndërtojmë hap pas hapi me qytetarët tanë. Ky proces na ka mësuar shumë, për fuqinë e ekipit, për rëndësinë e vizionit të qartë dhe për nevojën e një angazhimi të vazhdueshëm”, tha Shabani.

“Ju garantoj se unë nuk ndalem me kaq” – shtoi ai.

Postimi i plotë:

Sot takuam Këshillin Drejtues të Degës, ku analizuam me kujdes rezultatet e zgjedhjeve lokale, punën e bërë gjatë fushatës dhe angazhimin e secilit anëtar të ekipit tonë.

Ishte një takim reflektues, i hapur dhe konstruktiv, ku secili dha mendimet e veta për mënyrën se si mund të forcojmë edhe më shumë strukturat dhe besimin e qytetarëve në punën tonë.

Rezultati që arritëm është dëshmi e përpjekjeve të sinqerta, e bashkëpunimit dhe e besimit që po ndërtojmë hap pas hapi me qytetarët tanë.

Ky proces na ka mësuar shumë, për fuqinë e ekipit, për rëndësinë e vizionit të qartë dhe për nevojën e një angazhimi të vazhdueshëm.

Ju garantoj se unë nuk ndalem me kaq.

Ky është vetëm fillimi i një rruge të gjatë të përkushtimit, punës dhe përgjegjësisë ndaj qytetit tonë.

Me energjinë dhe besimin që kemi fituar, do të vazhdojmë të jemi zëri i qytetarëve, të sjellim ide të reja dhe të punojmë çdo ditë për Gjakovën që e meritojmë të gjithë.