Ervin Shabani mirëpritet në Ponoshec: Premton zhvillim të bujqësisë dhe investime për zonat rurale

Kandidati i PDK-së për kryetar të Gjakovës, Ervin Shabani, u prit me ngrohtësi në fshatin Ponoshec, ku zhvilloi një takim të hapur me banorët për të diskutuar sfidat dhe nevojat e përditshme të kësaj zone rurale.

Në këtë takim, Shabani theksoi se bujqësia, infrastruktura dhe kushtet e punës janë prioritetet kryesore të programit të tij për komunën e Gjakovës. Ai ndau vizionin e tij për një të ardhme më të mirë, duke premtuar më shumë investime dhe mbështetje konkrete për banorët e Ponoshecit dhe gjithë zonat rurale të komunës.

I plotë:

Në Ponoshec u mirëpritëm me shumë ngrohtësi.

Biseduam hapur për sfidat e përditshme, nga bujqësia e deri te infrastruktura dhe ndamë vizionin tonë për një të ardhme më të mirë.

Banorët e Ponoshecit meritojnë më shumë investime, më shumë kujdes dhe mbështetje konkrete, që puna e tyre të shpërblehet si duhet.

Prandaj zotimet tona janë të qarta: zhvillim i bujqësisë, fuqizim i zonave rurale dhe kushte më të mira pune.

Faleminderit për besimin dhe pritjen! Angazhimi ynë vazhdon i palëkundur: ta bëjmë Gjakovën #mamirë, bashkë me secilin prej jush.

#PDK191 #mamirëpërGjakovën