Familjari i policit Altin Kryeziu i cili humbi jetën tragjikisht, ia dedikon suksesin atij: Ishe frymëzimi dhe motivi im më i madh

Një familjar i policit të ndjerë Altin Kryeziu, i cili humbi jetën tragjikisht pas një aksidenti, ka diplomuar sot si pjesëtar i Policisë së Kosovës, duke ia dedikuar këtë sukses kujtimit të tij, shkruan GazetaDemos.

Ai u shpreh se Kryeziu ishte frymëzim e motiv për të.

"Ai më ka bërë ta shoh këtë uniformë me edhe më shumë krenari dhe ta kuptoj se çfarë do të thotë t’i shërbesh vendit. Sot diplomoj me krenari, por edhe me mallin që do të doja ta kisha pranë për ta ndarë këtë ditë. Këtë arritje ia kushtoj edhe atij" - shpreh Blinor Kryeziu në Facebook.

Postimi i plotë:

Sot po e përmbyll një rrugëtim që për mua ka një kuptim shumë më të madh se një diplomim. Kjo rrugë nuk ishte gjithmonë e lehtë, por kisha një arsye të fortë për të mos u ndalur.

Altini ka qenë frymëzimi dhe motivimi im më i madh për ta ndjekur këtë rrugë. Ai më ka bërë ta shoh këtë uniformë me edhe më shumë krenari dhe ta kuptoj se çfarë do të thotë t’i shërbesh vendit.

Sot diplomoj me krenari, por edhe me mallin që do të doja ta kisha pranë për ta ndarë këtë ditë. Këtë arritje ia kushtoj edhe atij.

Për ty, Altin! Frymëzimi im në çdo hap të kësaj rruge.