Juristja e medias, Flutura Kusari ka reaguar ashpër ndaj procesit të përzgjedhjes së anëtarëve të bordeve të Radio Televizionit të Kosovës dhe Komisionit të Pavarur për Media , duke e cilësuar si një process që nuk përputhet me standardet demokratike.
Në një konferencë urgjente për media, Kusari deklaroi se niveli i kandidatëve është “jashtëzakonisht i ulët”, duke shtuar se është e vështirë të gjenden profesionistë që e meritojnë të jenë pjesë e bordit të RTK-së.
“Po flas pak për elementet që e kanë karakterizuar edhe procesin e përzgjedhjes së bordit të RTK-së së që është në proces por edhe të anëtarëve të KPM-së të cilat karakteristika janë tipike kur një parti në pushtet synon të kap një institucion të pavarur. Fillimisht me përmend që niveli I kandidatëve që kanë kandiduar është jasthëzakonisht I ulët është vështirë me gjetur profesionist aty të cilët e meritojnë të jenë anëtarë të bordit të RTK-së dhe kjo ka ndodhur për shkak se profesionistët nuk I besojnë Lëvizjes Vetëvendosje që do të zhvillojë një proces fer , transparent dhe sipas meritokracisë”