Gazetari Baton Haxhiu, i cili së fundmi ka publikuar dy libra, ishte i ftuar në emisionin Pressing në T7, ku rrëfeu një moment që kishte përjetuar në vitin 1998, kur në shtëpinë e nënës së Veton Surroit kishte parë një fotografi të ish-liderit jugosllav, Josip Broz Tito.
Haxhiu tregoi se ishte shokuar kur kishte vërejtur fotografinë, pasi familja në fjalë vinte nga një prejardhje jashtëzakonisht patriotike.
Ai tha se atë ditë ishin të ftuar për drekë, ndërsa theksoi se nuk do të ishte e drejtë të fliste për një shtëpi private, por për fenomenin që përfaqësonte ajo fotografi.
“E kam shpjeguar një grua që vjen nga një familje jashtëzakonisht patriotike. E shoh një fotografi të Titos. Na kanë thirrur për drekë. E pandershme me folë për shtëpinë, por kam folur për fenomenin. Nuk është dashur të ishte ajo fotografi aty”, rrëfeu Haxhiu.
