Gjatë nëntë muajve në Kosovë u braktisën 16 fëmijë

Gjatë nëntë muajve në Kosovë janë braktisur 16 fëmijë. Sipas të dhënave zyrtare të publikuara nga Agjencia e Statistikave e Kosovës (ASK), gjatë periudhës janar–shtator , 16 raste të braktisjes së fëmijëve janë regjistruar në nivel vendi, shpërndarë në komuna të ndryshme të Kosovës.

Sipas të dhënave të ASK-së Podujeva ka raportuar gjithsej 3 raste të braktisjes së fëmijeve gjatë këtij 9-mujori, duke u renditur si komuna me numrin më të lartë të fëmijëve të braktisur.

Edhe Malisheva ka raportuar 3 raste, të gjitha në muajin maj. Në Vushtrri gjatë kësaj periudhe kohore janë braktisur dy fëmijë.

Në Ferizaj janë dy raste të fëmijeve të braktisur. Ndërkaq Prishtina, Kamenica, Fushë-Kosova, Vitia, Deçani dhe Gjakova kanë nga një rast të fëmijeve të braktisur.