Gjendet i vdekur një person në një fshat të Podujevës

Një person është gjetur i vdekur sot në fshatin Përpellac të Podujevës.

Lajmin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.

“Rreth orës 18:30,kemi pranuar informatën për një person pa shenja jete në fshatin Përpellac të Podujevës. Vdekjen e viktimës (mashkull) e ka konstatuar ekipi mjekësor në vend ngjarje.”, tha Ahmeti.

Ajo ka bërë të ditur se policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit.