Grabitje e armatosur në një kompani private në Rahovec, hajnat e lidhin rojen për një peme

Një grabitje e rëndë ka ndodhur mbrëmjen e së enjtes në një kompani private në Rahovec, ku tre persona të dyshuar kanë hyrë me forcë në objekt, duke kërcënuar rojën e natës.

Sipas raportit të Policisë së Kosovës, rreth orës 21:00, tre persona, njëri prej tyre i armatosur me armë të shkurtër, kanë hyrë në oborrin e kompanisë dhe kanë lidhur rojën për një pemë, përpara se të depërtonin në ndërtesë përmes dritares.

Ende nuk dihet saktësisht se çfarë kanë arritur të marrin nga objekti, ndërsa viktima nuk ka deklaruar ndonjë lëndim fizik.

Në koordinim me prokurorin kompetent, policia ka inicuar rastin dhe ka nisur hetimet për identifikimin dhe kapjen e të dyshuarve.