Grabitje në Prishtinë, arrestohen dy 17-vjeçarë, dërgohen në mbajtje

Dy të rinj, të dy 17 vjeç, u arrestuan sot rreth orës 03:00, pasi dyshohe se kryen një grabitje në rrugën “Isa Kasrtrati” në Prishtinë.

Policia njoftoi se E.L. dhe L.G. u arrestuan pasi disa njësi policore në kryeqytet reaguan shpejt.

“Sot rreth orës 03:00, është pranuar informata për një grabitje të kryer në rrugën Isa Kastrati në Prishtinë. Njësitë policore të kryeqytetit janë angazhuar menjëherë dhe pas reagimit të shpejtë nga njësitë e stacionit Veriu është arritur arrestimi i të dyshuarve: E.L, mashkull, 17 vjeç, shtetas i Republikës së Kosovës. L.G, mashkull, 17 vjeç, shtetas i Republikës së Kosovës”, thuhet në njoftim.

Të dyshuarit u dërguan në mbajtje, ndërsa policia thotë se “hetuesit po kryejnë të gjitha veprimet e nevojshme hetimore e procedurale lidhur me rastin”.