Kandidati i PDK-së për kryetar të Komunës së Drenasit, Petrit Hajdari, është pritur nga përfaqësues të organizatave të dala nga lufta, përfshirë Organizatën e Veteranëve të Luftës së UÇK-së, Shoqatën e Invalidëve dhe Familjeve të Dëshmorëve.
Ai i ka cilësuar këto kategori si “të shenjta” për komunën dhe theksoi rëndësinë e trajtimit me dinjitet.
“Njerëz mbi shpatullat e të cilëve ka rënduar fati i kombit tonë. Njerëz që e kanë parë për së afërmi, personalisht apo në familjet e tyre, ç’do të thotë lufta për liri. Komuna jonë duhet dhe do t’i trajtojë me dinjitet këto kategori. Ata që lirisë sonë i dhanë dritën, duhet të ndihen krenarë në vendin e vet”, tha Hajdari.