Ramush Haradinaj ka reaguar pas lajmit për vdekjen e Dr. Osman Sejfijajt.
Haradinaj e vlerësoi lartë konributin e tij në shkencë dhe në edikimin e brezave të tërë, teksa s'la pa lavduar edhe pjesëmarrjen e tij në luftën çlirimtare të Kosovës, duke shërbyer si mjek i luftës.
"I hidhur lajmi për ndarjen nga jeta të Dr. Osman Sejfijajt, një njeri i shkencës që edukoi breza dhe ndihmoi profesionistë jo vetëm në Kosovë, por në të gjitha trojet shqiptare.
Si njeri me vlera të larta njerëzore e kombëtare, përveçse la gjurmë të rëndësishme në shkencë, ai e kreu me nder detyrën e tij ndaj atdheut. Gjatë periudhës së rrezikshme të luftës çlirimtare, ai u qëndroi afër njerëzve në nevojë, duke shërbyer si mjek i luftës.
Kushdo që e ka njohur dr. Osman Sejfijajn e ka njohur si një profesionist të përkushtuar, njeri me vlera të larta njerëzore dhe atdhetar të devotshëm.
Ngushëllimet më të sinqerta familjes atdhetare Sejfijaj, kolegëve dhe miqve të tij. Dr. Osman Sejfijaj, u prehsh në paqe!", tha ai.
