Një dyqan që shet të brendshme erotike është hapur zyrtarisht me një lutje myslimane në qytetin Alaca të Turqisë, në një ceremoni që ka nxitur reagime dhe kritika.
Në ceremoninë e hapjes morën pjesë kryetari i komunës, përfaqësues të partisë në pushtet dhe imami.
Prania e tyre në këtë ngjarje ka ngjallur diskutime, duke pasur parasysh natyrën e produkteve që do të shiten në dyqan.
Pas kritikave, kryetari i komunës reagoi duke u përpjekur të distancohej nga situata. “Ne as që hymë brenda”, deklaroi ai, duke iu përgjigjur komenteve për pjesëmarrjen e tij në ceremoninë e hapjes.
