Procesi i numërimit të votave në nga përfaqësitë diplomatike është duke u përcjell me huqje të emrave të partive politike.
Në platformën e Komisionit Qendror të Zgjedhjeve, përveç Lëvizjes Vetëvendosje, logot e subjekteve politike kanë emra tjerë.
Te logo e PDK-së është i vendosur emri i partisë PAI-PDAK-LPB.
Te ajo e LDK-së është e vendosur emri i Partisë Balli Kombëtar Demokrat Shqiptar.
Kurse, edhe te logo e AAK-së, është e vendosur Iniciativa e Re Demokratike e Kosovës.
Madje, aty figuron edhe Nisma Socialdemokrate, e cila nuk ka garuar fare në zgjedhjet e 7 qershorit.
Edhe te partitë e tjera është parë “huqje” e tillë në platformën e KQZ-së, ku po përditësohen të dhënat nga numërimi i votave në Qendrën e Numërimit dhe të Rezultateve nga përfaqësitë diplomatike.
Ndryshe, deri më tash numërimi nga përfaqësitë diplomatike ka shkuar në 19,15%.
