Kryetari i Komunës së Istogut, Ilir Ferati, ka vizituar mbrëmë fshatin Istog i Poshtëm, ku u mirëprit nga familja Kurtaj, së bashku me kandidatin e Lidhjes Demokratike të Kosovës, Kushtrimin.
Përmes një postimi në Facebook, Ferati ka shprehur falënderime për mikpritjen dhe mbështetjen e banorëve të këtij fshati, duke theksuar se përkrahja e tyre është tregues i qartë i punëve të kryera në terren.
“Mbështetja e banorëve flet shumë për punët e kryera në këtë fshat, ndërsa ne, sërish këtu dhe plot entuziazëm, jemi të gatshëm të dëgjojmë kërkesat tuaja, të cilat do t’i realizojmë së bashku,” ka shkruar Ferati.