Ilir Ferati tregon investimet në shëndetësi e arsim, mbështetjen për lehonat në Istog

Ilir Ferati ka shpalosur planin dhe punën e tij të deritanishme në Istog.

Ai tha se brenda vitit përfundojnë 75 nga 78 premtimet e dhëna për komunën e Istogut.

Ai ka përmendur investimet në shëndetësi, arsim dhe mbështetjen për lehonat.

“Brenda këtij viti përfundojnë 75 prej tyre, do të mbesin 3 projekte, të cilat nuk kanë filluar… QKMF po ndërtohet në Istog, po ndërtohen ambulanca të mjekësisë familjare. Jemi komuna e parë që ofrojmë qëndrim ditor për fëmijë me nevoja të veçanta. Nuk është në bazë ditore kjo, por në bazë javore. Do ta ndërtojmë një objekt të ri për fëmijët me nevojat e veçanta ku munden me marrë shërbime falas. Premtimin e fundit që kemi fillu me realizu prej muajit gusht është 150 euro për cdo grua lehonë. Në arsim po i jepim për cdo vit 494 bursa për studentët e Istogut”, tha Ferati në Pressing.