Arsimtari i Zejn Zejnullahu, të miturit në Lipjan që vdiq pasi ra në lumë, ka dhënë detaje të reja për tragjedinë që i preku.
Ai ka thënë se lajmin fillimisht e kishin kuptuar nga mëesuesja e viktimës, duke shtuar se me të kuptuar si informacion, kishin dal përreth fshatit për ta kërkuar.
I njëjti thotë se gjetja e të miturit u bë pas 20 minutash, me ndihmën e kamerave të cilat i drejtuan kërkimet për në lumin e fshatit.
“Momentin që e kemi kuptu nga mësuesja në grupin ku jemi të gjithë arsimtarët, ne jemi ardhë te familjarët dhe e kemi kuptuar që Zejna nuk është kthyer nga mësimi. Ne jemi angazhuar për kërkimin e Zejnës. Pas 20 minutash qytetarët e Gadimës e kanë gjetur Zejnën aty ku kanë dyshuar, në lumë, e kanë parë në kamera”, tha ai.
Arstimtari në Gadime shton se viktima asnjëherë për gjatë kthimit në shtëpi nuk e kishte frekuentuar rrugën që e mori dje. “Familjarët kanë thënë që asnjëherë ai nuk është kthyer nga ajo anë, gjithmonë e ka frekuentuar një tjetër rrugë. Mirëpo në momentin kur e ka lëshuar udhën, ne kemi dyshuar që ka rënë në lumë, dhe e kemi gjetur në Gadime të Ulët ku unë dhe një arsimtar i kemi dhënë ndihmën e parë”.
Me gjitha përpjekjet pas dhënies së ndihmës së parë, arsimtari tregon se Zejna në momentin kur u gjet nga ta ende kishte puls, për të ndërruar jetë pak më vonë në Emergjencë. “Jemi mundu, ka pas puls. I ka dhënë ndihmë edhe infermierja e doktori që ka qenë rastësisht në moment aty. Deri në Emergjencë i kemi dhënë ndihmë me stafin e mjekëve. Aty edhe ka ndërru jetë. Nuk ka mujtë me i qëndru plagëve që i ka marrë gjatë lumit”, tha ai.
