Një person është proceduar penalisht në Ferizaj, pasi dyshohet se ka kanosur fqinjët pas një mosmarrëveshjeje në fshatin Pojatë.
Rasti është raportuar më 6 shtator në Stacionin Policor në Ferizaj, ndërsa njësitet policore kanë dalë në vendin e ngjarjes dhe kanë shoqëruar personat e përfshirë në stacion për intervistim.
Gjatë hetimeve, policia ka siguruar informacione se i dyshuari B.A., 46-vjeçar, posedonte armë zjarri.
Me autorizim të prokurorit të shtetit, policia ka kryer kontroll në shtëpinë e të dyshuarit në Pojatë, ku ka sekuestruar një pistoletë, dy karikatorë dhe 42 fishekë.
Gjatë verifikimit është konstatuar se leja e armës kishte skaduar në nëntor të vitit 2025.
Për këtë rast është iniciuar procedurë edhe për veprën penale “Mbajtja në pronësi, kontroll ose posedim të paautorizuar të armëve”.
Pas intervistimit në prani të avokatit mbrojtës, i dyshuari është liruar dhe rasti do të procedohet në procedurë të rregullt
