Kaplohen nga zjarri disa lokale në Prizren, Policia jep detaje

Disa lokale në afërsi të Stacionit të Autobusëve në Prizren janë kapluar nga zjarri mbrëmjen e së enjtes.

Lidhur me këtë incident, zëdhënësi i Policisë për Rajonin e Prizrenit, Shaqir Bytyqi, ka bërë të ditur se nuk ka persona të lënduar.

Sipas tij, rasti është raportuar më 19 dhjetor 2025, pas orës 23:00, ndërsa në vendin e ngjarjes kanë dalë njësitet e Policisë dhe zjarrfikësit.

“Më datë 19 dhjetor 2025, pas orës 23:00, është raportuar një zjarr në afërsi të Stacionit të Autobusëve në Prizren. Në vendin e ngjarjes kanë dalë njësitet e Policisë dhe zjarrfikësit. Zjarri ka përfshirë disa lokale të qendrës tregtare të njohur si ‘Te Shtrumfat’, duke shkaktuar dëme materiale. Deri më tani, përveç dëmeve materiale, nuk ka të raportuar persona të lënduar”, tha Bytyqi.