Kastriot Shabani takon veteranët e luftës: Sakrifica e tyre është themeli i së ardhmes sonë

Kandidati i Lidhjes Demokratike të Kosovës për kryetar të Komunës së Shtimes, Kastriot Shabani, ka zhvilluar sot një takim të veçantë me veteranët e luftës, duke vlerësuar lart kontributin dhe sakrificën e tyre për lirinë që gëzojmë sot.

Shabani ka theksuar se ishte nder dhe privilegj të bisedojë me ata që dhanë gjithçka për vendin, ndërsa ka shtuar se kujdesi, respekti dhe mirënjohja për veteranët duhet të jenë pjesë e përditshme e veprimeve, e jo vetëm fjalë.

Postimi i tij:

Sot patëm një takim shumë të veçantë me veteranët e luftës.

Ishte nder dhe privilegj të bisedojmë me ata që dhanë gjithçka për lirinë që gëzojmë sot. Sakrifica dhe përkushtimi i tyre janë themeli mbi të cilin ndërtojmë të ardhmen tonë.

Ky takim na kujtoi se kujdesi, respekti dhe mirënjohja për veteranët nuk duhet të jenë vetëm fjalë, por veprim i përditshëm. Ne jemi mirënjohës për kontributin e tyre dhe të vendosur që zëri i tyre të dëgjohet gjithmonë.

Falënderim i veçantë për mikpritjen dhe diskutimin e hapur që patëm sot.