Katherine Connolly, një kandidate e pavarur e krahut të majtë, ka fituar zgjedhjet presidenciale në Irlandë me një rezultat të thellë, duke siguruar rreth 64% të votave, sipas rezultateve paraprake.
Kundërshtarja e saj, Heather Humphreys nga Partia Fine Gael, pranoi humbjen dhe e uroi Connollyn për fitoren e saj. Në një deklaratë, Humphreys tha: “Catherine do të jetë një presidente për të gjithë ne, dhe ajo do të jetë presidentja ime, dhe unë me të vërtetë do të doja t’i uroj asaj gjithë të mirat”, raporton The Guardian .
Connolly, 68 vjeç, ka qenë një kritike e fortë e politikës së jashtme të Bashkimit Evropian dhe Shteteve të Bashkuara, si dhe ka shprehur shqetësime për rritjen e shpenzimeve ushtarake të BE-së. Ajo ka marrë mbështetje nga një aleancë partish të krahut të majtë, përfshirë Labour dhe Sinn Féin. Fushata e saj u fokusua në drejtësi ekonomike dhe kritikën e politikës së qeverisë ndaj krizës së strehimit. Përkundër faktit se presidenca është kryesisht ceremoniale, fitorja e Connollyn shihet si një shenjë e ndryshimeve të mundshme në politikën irlandeze.