Këshilli i Përgjithshëm – “Presidenti” e mbledh partinë e LVV-së

Këshilli i Përgjithshëm i Lëvizjes Vetëvendosje do të mblidhet pas pak, ku pritet të diskutohet edhe çështja e zgjedhjes së Presidentit.

Kështu ka bërë të ditur shefi i kësaj partie, njëherësh kryeministri i Kosovës, Albin Kurti, pas një takimi që pati dje me kreun e Partisë Demokratike, Bedri Hamzën.

Kurti deklaroi se pritet të ketë edhe një propozim nga ky subjekt për shef të shtetit.

Gazetari i Klan Kosova, tha se ende nuk kanë arritur të gjithë nga ky subjekt politik.

“Brenda akoma nuk është mbushur me delegatët e kësaj partie, ku përfshihen deputetë nga ky subjekt dhe po ashtu edhe përfaqësues nga të gjitha qytetet e Republikës së Kosovës nga ky subjekt politik”, tha ai.